Registration steps for new students 2024-2025
خطوات التسجيل في التعليم المفتوح للطلاب المستجدين المقبولين بنتيجة مفاضلة التعليم المفتوح للعام الدراسي 2024-2025 :
- صورة مصدقة عن الشهادة الثانوية عدد /2/
- صورة عن البطاقة الشخصية (الهوية) عدد /2/ أو إخراج قيد مستخرج حديثاً
- صورة شخصية عدد /8/
- إضبارة طالب حديث تتواجد في الأكشاك المخصصة ( بتلاقوها جنب الجامعة)
- بيان وضع تجنيدي بالنسبة للذكور الاحتياطين ( أي لمن أدى الخدمة الإلزامية)
- الوثيقة التي تيم الحسم على أساسها و صورة عن للطالب المستنفذ من حسم ما
- طلب للبطاقة الجامعية
الاستمارة يعني رح تختاروا عدد موادكن يلي رح تسجلوهن هل فصل
-فيكن تحصلوا على الاستمارة بطريقتين :
يا أما بتسجلوا لحالكن عن طريق تحميل الاستمارة و تعبئتها و بعدين بتطبعوا الاستمارة ل 4 نسخ علماً أن ما بفضل هي الطريقة لأن أي خربطة لا يمكن تعديلها للأسف
يا أما بتروحوا بتسجلوا بالمكتبة و هنن بعبولكن الاستمارة و في كتير مكاتب بالبرامكة أو بالمزة بنفق الآداب و بتكون المكاتب كاتبين على ورقة بيضة ( للتسجيل للتعليم المفتوح ^_^ ) و بيعطوكن الاستمارة 4 نسخ ( هون انتو بتكونوا مختارين من مواد السنة الأولى الفصل الأول يا كل المواد أو أقل شي مادتين يعني فيكن تسجلوا مادتين أو 3 أو 4 أو 5 )
2-بعدين الدفع بالمصرف العقاري : فيكن تدفعوا بالمصرف العقاري يلي بالمزة و فيكن تدفعوا بالبنك يلي موجود بالكلية نفسها
نصيحة :حاولوا دائماً تحتفظوا بالإيصالات احتياط
3- مكتب شؤون التعليم المفتوح: بعد الدفع بالمصرف عليكم توصيل كل الأوراق إلى مكتب الشؤون .
مكان مكتب الشؤون : (ببناء المدرجات اول درج على اليمين فوراً بتلاقوا مكتب الشؤون)
وهيك تمت عملية التسـجيل بنجاح ^_^ بشوفكن بالتسجيل القادم