Summary of the first year subjects
تعّرف على مواد السنة الأولى كاملة
مواد الفصل الأول (العربي ، الغرامر، الترجمة، قراءة وفهم1 ، والثقافة1)
1- مادة العربي هي المادة سهلة جداً و بتشبه الشي يلي اخدتوا بالبكلوريا من ناحية القواعد عادة بيجيبوا الدكاترة أبيات شعرية حوالي 5أو 6 أبيات بيطلبوا منكن شرح الأبيات و إعراب جمل و مفردات و بهض الأسئلة النظرية متل حياة الشاعر و بالمجمل المادة سهلة و مافيها صعوبات .
2- مادة النحو الانكليزي يعني هي المادة غرامر يعني قواعد اللغة الإنكليزية و تطبيقات عملية هي المادة بتحتاج تركيز و تقدر تميز تماماً بين الأزمنة بالعموم المادة ممتعة و هي تعتبر أساس لطالب الترجمة .
3- مادة الترجمة : خلال الفصل رح تتعلموا تكنيك الترجمة و لازم تهتموا و تحفظوا كل المفردات الجديدة يلي بتمرق معكن لان بهي الطريقة انتو بتكونوا كونتوا مخزون لغوي قوي بيفيدكن لكل السنوات التالية بالامتحان بيجي غالياً نصين الأول انكليزي و تاني عربي و الاجابات اختيار من متعدد .
4- قراءة وفهم 1 : كتاب المادة كلو قصص و عليه أسئلة و المفردات الجديدة و معناها انكلش انكلش تعتبر المادة بالعمول سهلة تقريباً بتشبه نصوص يلي بالبكلوريا و الامتحان بيكون غالباً نصين و عليهن أسئلة مختلفة و بيكونوا 50 سؤال.
5- الثقافة1 : هي المادة بتحكي عن العصور القديمة و فيها نصوص تاريخية تعتبر المادة حفظية بحت و بيكون الامتحان عبارة عن 50 سؤال اختيار من متعدد .
و بشرى سارة أنو 5 مواد هنن مؤتمت و ليس تقليدي
أما بالنسبة للحضور بالعموم الحضور مهم و ممتع و لكن هل هو اجباري فالجواب لا مانو اجباري فيكن تسجلوا بالجامعة و تروحوا وقت الامتحان مباشرة .
مواد الفصل الثاني (العربي، غرامر ، ترجمة، قراءة وفهم2 ، ثقافة2)
1- مادة العربي : رح تاخدوا دورس عن الجموع و الأفعال و المشتقات و إعراب المفردات و الجمل يعني كلها معلومات أساية مارقة معكن بس ممكن بطريقة موسعة أكتر مع تطبيقات عملية و امتحان هل المادة مؤتمت و غالياً بيجي قصيدة و عليها أسئلة و بعدا أسئلة عن الدروس يلي مرقت معكن
2- النحو انكليزي : يلي هي مادة غرامر رح تاخدوا فيها قواعد اللغة الانكليزية متل الفصل الأول بس بطريقة أسهل
رح تاخدوا متل noun و Articles و Adjectives و adverbs و gerund
و مننصح دائماً طلابنا انو تأسسوا حالكن بمادة الغرامر و امتحان المادة مؤتمت و غالياً بيجي من 40 الى 50 سؤال .
3- مادة الترجمة : لازم تحصلوا على أكبر فائدة من هي المادة من خلال الحضور مع الدكتور و ترجمة الوظائف و المشاركة كتير بتفيد و بيكون الامتحان مؤتمت عبارة عن نصين الأول انكلش والتاني عربي ويُسمع غالباً باستخدام القاموس انكليزي انكليزي بالامتحان
4- قراءة وفهم 2: هي المادة هي جزء تاني لمادة الفصل الأول و نفس طريقة الدراسة وهي عبارة عن نصوص انكلش عليها تمارين للحل ومفردات بالانكلش ومعانيها و امتحان المادة مؤتمت
5- الثقافة2 : هي المادة نظرية و حفظية بتعتمد على الحفظ تماماً
يعني بتحكي الحياة والفكر والثقافة العربية ولكن بنظرة غربية وعن الأدباء وأسماؤن وأسماء كتبهن تعتبر أسهل من ثقافة1 و امتحان المادة مؤتمت.
مع تمنيات فريق Academists لكم بالتوفيق و النجاح
© Copyright 2024. Made with Love by VOILA