Summary of second year subjects

تنويه: يختلف المطلوب بالمادة من دكتور لدكتور  وكل دكتور له أسلوبه الخاص  بالإعطاء وكذلك بيختلف نموذج الإمتحان حسب الدكتور (يعني كل دكتور بيحدد المطلوب للمادة و بيكون له أسلوب بكتابة أسئلة الامتحان )

#علم الترجمة(أتمتة) : هي مادة شبيهة جداً بمادة الترجمة وبتم خلال الفصل ترجمة لنصوص عربي و انكليزي و فيها قسم نظري من الكتاب ،هاد الشي بيختلف حسب الدكتور اذا بيحدووا قسم نظري مطلوب للامتحان أو لا

فالمطلوووب بالامتحان الانتباه لكل حرف وللحقيقة بكونو صعبين نسبياً وسبب هالشي بكون اعتماد الدكتورة على إعطاء احتمالات جداً قريبة من بعضها ومحيرة 

#المقال(أتمتة): رح تاخدوا خلال الفصل قسم نظري من الكتاب و رح تاخدوا أنواع المقالات و بالامتحان رح يكون في قسم نظري وبقية الأقسام عملية بتعتمد على مخزونكن اللغوي وقدرتكن على التفريق بين أنواع المقالات وغالباً بيكون في سؤال عن تحديد الأخطاء بالجمل وسؤال عن معاني كلمات و سؤال عن كلمات الربط بين الجمل

#قراءة وفهم3 (أتمتة): المادة سهلة نسبياً متل ماتعودنا عليها عبارة عن قصص ونصوص عليها أسئلة،بالنسبة للامتحان عادة بيكون في نص خارجي وممكن يكون من الكتاب. بالنسبة للأسئلة فغالباً قسم كبير بيكون عن معاني الكلمات يلي بتحلوهن بعد كل نص وعن علامات الترقيم

#ترجمة (أتمتة) :كالعادة متلها متل مواد الترجمة بيكون في نص عربي و نص انكليزي و بتدربوا خلال الفصل على النصوص مما يزيد من مخزونكم اللغوي و كلماتكن الجديدة و غالباً بتجي النصوص خارجية و لكن مشابهة نوعاً ما لنصوص يلي مرقت بالفصل من ناحية نوع النصوص ..

#عربي (تقليدي ): شبه مواد العربي بالسنة الأولى و هاد الكتاب مابدو كتير وقواعد بسيطة فيها قصائد  ومعلوماتها كلن مارقة معكن من قبل ، أجمالاً مادة سهلة و بيختلف محتوى المادة حسب المطلوب من قبل دكتور المادة

#الصوتيات(أتمتة): المادة حلوة بس بدها حضور لتفهموا كيفية لفظ الأصوات وتتعلموا كتابة وقراءة هذا اللفظ فإذا ماسمعتوا الأصوات وميزتوا بيناتن ماحتفهموا المحاضرات المكتوبة. بالبداية حتلاقوا المادة صعبة بس تدريجياً حتصير سهلة وطبعاً هالشي بيرجع لدكتور المادة واللي بعد مايشرح المادة بحدد شو المطلوب للامتحان

#المعاجم (أتمتة): بالنسبة لهالمادة فالمطلوب دراستا من الكتاب يلي بيطلبوا الدكتور كااامل للامتحان واللي بالبداية بيحكي بشكل عام عن القواميس وبيعطي معلومات عامة عن المعلومات اللي منلائيها بأي قاموس وبعد هيك بصير كل تشابتر بيحكي عن نوع معين من أنواع القواميس. المادة نظرية بحتة لكن الامتحان بكون في عملي أكتر وتعتبر هالمادة من أصعب مواد هالفصل نسبيا بسبب كبر حجمها

#الترجمة(أتمتة): متل ماتعودنا عالترجمة عبارة عن نصوص بدكن تترجموها مع الدكتورة يلي بتتنوع من سياسي لاقتصادي لبيئي لكن بالفحص غالباً التركيز بكون عالنصوص السياسية و مخزونك اللغوي من مفردات بيفيدكن كتير

#المقال (أتمتة ): المادة شبيهة كتير بالمقال1 و لكن بيختلف نموذح الامتحان حسب الدكتور و المطلوب بالامتحان بس المادة إجمالاً سهلة مانا معقدة

#العربي (تقليدي) : هي تتمة للكتاب بالفصل الأول من ناحية القواعد و في طبعاً قصائد و إعراب ، أجمالاً مادة سهلة جداً و بيختلف محتوى المادة حسب المطلوب من قبل دكتور المادة