The secrets of the success of the translation student
The secrets of the success of the translation student
26-11-2022 | Academists | 424Visits
خاصّة بعد مانزل #برنامج_الدوام، حابة انصحكن نصيحة للطلاب الي لساتن بطور الدراسة .. كتير بسألهن أوقات :
1- ليش مابتحضروا محاضرات؟
2- ليش مابتشوفوا الدكتور على شو عميركز؟
بيكون الجواب:
مامنحب هااد الدكتور!! حضرنا مرة ومافهمنا!! حضرنالا للدكتورة بس مابتفهّم منوب، كنت بتمنى احضر للدكتور فلان بس ماعميعطي مادة عندي ياها! ...
الي بدي قولوا يا أصدقائي لاتبنوا فكرة أو انطباع معين من أول مرة أو من فترة قصيرة .. لازم تعطوا حالكن #فرصة_تانية بأي شي بتجربوه .. بس تحضروا أول مرة وماتحسوا حالكن استفدتوا ارجعوا جربوا احضروا مرة تانية وتالتة ورابعة لتتأكدوا فعلاً إنو ماعمتستفيدوا .. ماتخلوا الانطباع الأول يأثر عليكن وعلى قراراتكن بأي شي بتعملوه .. سواء بترجمة نص معين أو تجربة معينة ، دايماً عطوا حالكن وقت منيح لتتأكدوا من انطباعكن إذا صحيح أو لأ..
بتنضموا أوقات لكورس معين بتحسوا خسرتوا وقت ومصاري عالفاضي من أول درس أو درسين، سجلتوا كورس مرة وحدة ومااستفدتوا لنفترض هاد مو مؤشر إنو هاد الدكتور مابيعرف يعطي .. ممكن فعلا تكون محاضرات مادة ما غير ناجحة ولكن نفسو الدكتور يكون مبدع بمادة أخرى أو بكورس آخر..
حاولوا#تحضروا_محاضراتكنومحاضرات حابين تتعلموها أكتر أو تفهموها أكتر مو ضروري تكونوا منزلين المادة أو تكون مادة سنة أعلى من السنة الي إنتوا فيها ، استغلوا فرصة وجودكن بالجامعة لأقصاها...
بدي خبركن شغلة حتى نحن ك #فريق_أكاديمستس أوقات عنا تقييمات لكورس إنو ناجح وكورس مانو ناجح ، فدايماً ماتخلوا الانطباع الأول هو المؤشر الوحيد لعدم عمل شيء ما...
#سبحان_الي_بيغيّر_وما_بيتغيّر ... نحن البشر متغيرين بشكل دائم و #دوام_الحال_من_المحال... لاتحطوا ببالكن ماحتنجحوا ليروح دكتور معين أو ليبطل يدرّس مادة ما.. حطوا ببالكن تدرسوها بطريقة مختلفة وتعرفوا أسرار الدكاترة الي عميعطوها لترفعوها وتنجحوا فيها!!
لاتخلوا حالكن بدوامة الحيرة أبداً ... الفرصة التانية بتخليكن تاخدوا قرار أصح وبعيداً عن الندم...
و إضافة لكل شي ذٌكر في نقطة كتير مهمة وكتير بتصير..
أوقات على كتر مابيحكوا الطلاب عن مادة إنها صعبة ومستحيل النجاح فيها بيتأثروا فيهن الطلاب الي أول مرة منزلينها وبيبطلوا يدرسولها أو يقدموها أو حتى يفكروا يرفعوها... لكل طالب قدراتو.. لكل طالب تجربتو.. لكل طالب ظروفو الخاصة.. ولكل طالب أسلوبو بالدراسة.. لاتخلوا كلام الطلاب يأثر عليكن.. جربوا وادرسوا واتبعوا نصايح الدكتور وصدقوني بتنجحوا من أول مرة... كتااار من دفعتي بعرفن فتنا سوا عالجامعةوطلعنا سوا خلال ٤ سنوات وبدون تكميلي.. فيعني لاشيئ مستحيل... فقط ادرسوا وركزوا عموادكن وملاحظات دكاترتكن...