خطوات التسجيل بإختصار للطلاب المستجدين
خطوات التسجيل بإختصار :
1-الاســتمارة :
الاستمارة يعني رح تختاروا عدد موادكن يلي رح تسجلوهن هل فصل
-فيكن تحصلوا على الاستمارة بطريقتين :
يا أما بتسجلوا لحالكن عن طريق تحميل الاستمارة و تعبئتها و بعدين بتطبعوا الاستمارة ل 4 نسخ علماً أن ما بفضل هي الطريقة لان لأن أي خربطة لا يمكن تعديلها للأسف
يا أما بتروحوا على بتسجلوا بالمكتبة و هنن بعبولكن الاستمارة و في كتير مكاتب بالبرامكة أو بالمزة بنفق الآداب و بتكون المكاتب كاتبين على ورقة بيضة ( للتسجيل للتعليم المفتوح ^_^ ) و بيعطوكن الاستمارة 4 نسخ
2- شراء مصنف (لونو أخضر ) بيحتوي ظرفين الأول فيه ورقتين بتعمبوهن للتسجيل بالشؤون و التانية لتحطوا عليها طوابع أما الظرف التاني بيحتوي 3 طوابع لحتى تلزقوهن على وحدة من النسخ الاربعة للاستمارة
3- وصل الانتساب : لازم تجيبوا هل وصل لحتى ترفقوه مع وراقكن (وصل انتساب من مكتب الهيئة الطلابية يلي بالكلية نفسا )
4- تصوير الهوية 3 نسخ و 8 صور شخصية اكتبوا اسمكن عليها من الخلف
5- الدفع بالبنك : فيكن تدفعوا بالبنك العقاري يلي بالمزة و فيكن تدفعوا بالبنك يلي موجود بالكلية
نصيحة :حاولوا دائماً تحتفظوا بالإيصالات احتياط
6- مكتب شؤون التعليم المفتوح: توصيل كل الأوراق إلى مكتب الشؤون و هنن بيعطوكن هنن طلب منشان البطاقة الجامعية و بستخدموا باقي الطوابع عدد4
مكان مكتب الشؤون : (ببناء المدرجات اول درج على اليمين فوراً بتلاقوا مكتب الشؤون)
وهيك تمت عملية التسـجيل بنجاح ^_^ بشوفكن بالتسجيل القادم
© Copyright 2024. Made with Love by VOILA