How to register for old students in the Translation Department

09-01-2023 | Academists | 649Visits

كيفية التسجيل للطلاب القدامى - تعليم مفتوح - ترجمة 

أعزائي طلاب الترجمة يوجد إضافة جديدة للتسجيل و لكن ليست معقدة

احم احم لنبدأ

1-الاســتمارة :

أول شي لازم تختاروا موادكن منيح و الأفضل تكتبوهن من البيت على ورقة لأن أي خربطة لا يمكن تعديلها للأسف و لحتى ما تخربطوا فيكن تجهزوهن بهاد الشكل مثال: نصوص أدبية س3 ف1
و الخطوة الأولى بتكون : 

يا أما بتسجلوا لحالكن عن طريق تحميل الاستمارة و تعبئتها بشكل صحيح والتي تحتوي على المعلومات التالية  ( معلومات عن شهادة الثانوية و الهوية الشخصية و الرقم الإمتحاني بالإضافة إلى المواد يلي بدكن تسجلوها ) و بعدين بتطبعوا الاستمارة ل 4 نسخ
للحصول على الاستمارة اضغط هنا

يا أما بتروحوا على مكتبة بتسجلوا عن طريقن و هنن بعبولكن الاستمارة و في كتير مكاتب بالبرامكة أو بالمزة بنفق الآداب و بتكون المكاتب كاتبين على ورقة بيضة ( للتسجيل للتعليم المفتوح ^_^ ) و بيعطوكن الاستمارة 4 نسخ

2- الدفع بالبنك :

و هلق الاستمارات معكن بتروحوا على البنك ( البنك العقاري - فرع الآداب ) يلي الموجود بقلب الكلية وهو موجود في مبنى خدمة المواطن مواجه كشك الآداب فوراً.. في نافذة بتدفعوا فيها الرسوم (قسط الجامعة ) و بياخدوا منكن نسخة من 4 نسخ يلي معكن و بيعطوكن ورقة صفرة يلي هي إشعار الدفع 
للتذكير :

• 1) اذا بتستفيدوا من أي حسومات جيبوا الورقة الثبوتية يلي بتثبت انو بيحقلن الحسم
  2) تكلفة المادة الواحدة : وفق القرار لهذا العام تحدد مبلغ 10000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻷﻭﻝ ﻣﺮﺓ، و 15000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻟﻠﻤﺮﺓ ﺍﻟﺜﺎﻧﻴﺔ، و20000 ل.س ﻋﻦ ﻛﻞ ﻣﻘﺮﺭ ﻳﻘﺪﻣﻪ ﺍﻟﻄﺎﻟﺐ ﻟﻠﻤﺮﺓ ﺍﻟﺜﺎﻟﺜﺔ ﻓﺄﻛﺜﺮ
  3) أيمت فينا نراجع شؤون التعليم المفتوح  للتسجيل ؟

شؤون التعليم المفتوح عطلتن يومي الجمعة و السبت لأن دوامن الرسمي  كل الأسبوع من الأحد للخميس

4) أيمت فيك تسجل بأي أيام : أيام التسجيل وتنزيل المواد من الأحد للخميس من 9 صباحاً لل 2 ظهراً

5)وين مكان مكتب شؤون الطلاب للتعليم المفتوح : بكلية الآداب بالطابق الثالث يوجد لافتة صغيرة (يعني ورقة مطبوع عليها ) شؤون التعليم المفتوح

3- الإضافة الجديدة للتسجيل :
لازم تجيبوا هل ورقيتن لحتى ترفقوهن مع وراقكن

       1.وصل انتساب من مكتب الهيئة الطلابية يلي بالكلية نفسا 

2. وصل دفع من مستودع الكتب (المستودع موجود ببناء الكلية بعد المدرج التالت ناح الدرج ) و أوقات دوام المستودع من الساعة1:00 للساعة 3:00 ظهراً
   
   للتوضيح : وصل الدفع من مستودع الكتب إذا قمت بتسجيل: مادة يجب شراء كتاب و اذا مادتين يجب شراء كتابين و اذا ثلاث مواد أو اكتر يجب شراء ثلاثة كتب على الأقل.

4- وهلق صرنا جاهزين منشتري ظرف يلي لونو بني مع طوابع بتلزقوهن على الاستمارة
5- وبعدين منحط هل الظرف و كل الأوراق بمكتب الشؤون و الامتحانات لقسم الترجمة في البناء التعليمي الجديد ( بناء المدرجات )  على اليمين 

وهيك تمت عملية التسـجيل بنجاح ^_^ بشوفكن بالتسجيل القادم 

فريق Academists يتمنى لكم التوفيق و النجاح الدائم