Summary of fourth year subjects

 

#الترجمة الفورية(تقليدي): المادة عبارة عن نصوص وترجمتها وغالباً بتكون سياسية أو عن الأحداث الحاصلة هالأيام .. لازم تكونوا بتعرفوا بالمترادفات والعكوس بتفيدكن بالترجمة وكمان لغتكن العربية تكون مميزة أثناء الترجمة أما بالنسبة للامتحان رح يكون في نصين عربي و انكليزي مع عناويين و تدربوا على ترجمة العناويين لأن العنوان لحالوا بيكون عليه 5 علامات و أحياناً 10 علامات و طبعا بيختلف توزيع العلامات حسب دكتور المادة

#الترجمة التحريرية (أتمتة):المادة عبارة عن نصوص وترجمتها و ممكن تكون عن القضايا الفلسطينية والاحتلال والاستعمار والاستيطان والفساد والانتهاك.. غالباً بيكون نص سياسي و الثاني مختلف و بشكل عام وهي المادة متلا متل أي ترجمة بس الفرق انو سنة رابعة لازم تكونوا تستفيدوا من مخزونكن اللغوي و المفردات يلي عندكن .

#المقال (تقليدي ):المادة عبارة عن قسم نظري لايستهان به ومهم كتير بالحياة العملية وجزء عملي يلي هو كتابة مقالة بأنواعها المتعددة و طبعاً الامتحان حسب أسلوب الدكتور و هو بيحدد أنواع المقالات ..

#لغويات مقارنة(أتمتة): المادة نظرية ولكن جميلة جداً بتحكي عن الأخطاء الي بيرتكبوها الطلاب الدراسين للغة الانكليزية وشو سببها وحلها الأنسب بوجهات نظر علماء دارسين هالحالات و الامتحان مؤتمت و تعتبر مادة غير معقدة بدا تركيز فقط

#عربي (تقليدي): عبارة عن مادة حفظية وفيها مقالات بتم مناقشة المقالات خلال الفصل وكمان في قواعد بالنسبة للامتحان رح يجي كتابة مقالة و المادة بشكل عام سهلة و بتجي من المحاضرات غالباً

#ترجمة فورية (تقليدي): المادة عبارة عن نصوص وترجمتها متل فورية 1 تماماً

#ترجمة أدبية (تقليدي):المادة عبارة عن نصوص أدبية شاعرية نثرية ،تعتبر هل المادة سهلة نوعاً و بدا تدريب و حفظ الكلمات الجديدة يلي بالمحاضرات لحتى يصير عندكن مخزون لغوي أدبي نوعا ما تقدروا تستخدموا المفردات للترجمة 

#مقال 2(تقليدي): هي المادة متل مقال 1 تماماً ..رح تكونوا درستوا أنواع المقالات بالفصل الأول و رح تكون سهلة عليكن فبيبقى تدريب خلال الفصل عن المادة

#تحليل نصوص(أتمتة):المادة عملية وحلوة كتير كتير وعبارة عن تحليل العلاقات داخل النصوص والأساس الي تم الربط بيناتن فيها فماعليك الا قراءة النص وفهم مفرداتو. المادة بدها فهم عميقو حفظ بلا فهم لا يمكن تترفع المادة  ،فبكون الامتحان عبارة عن أسئلة تحليلية وممكن نص أو نصين فيهن علاقات وأسئلتن تحت منه

#العربي (تقليدي): المادة فيها شعر حديث وفيها قصة وفيها رواية وفيها مسرحية..يتم قراءة الشعر وتقسيمه إلى أفكار ومن ثم شرح كل فكرة ووضع عنوان وفكرة عامة للنص ومع ألوان البديع والتشابيه وما إلى ذلك إجمالاً المادة سهلة و دراسة المحاضرات تكفي للامتحان